ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

കമന്റ്‌ ഇട്ടാലും...ഇല്ലെങ്കിലും

പ്രശസ്തി ആഗ്രഹിക്കാത്തവരുണ്ടോ??

ഇല്ലെന്നാണ്‌ എന്റെ വിശ്വാസം.

പക്ഷെ പ്രശസ്തി തീരെ ആഗ്രഹിക്കാത്ത, "എനികൊന്നും വേണ്ട...നിനക്കൊട്ടു തരികയും ഇല്ല" എന്ന പോലെയാണ്‌ ബ്ലോഗിൽ ചില ആണ്ണന്മാരുടെ പെരുമാറ്റം. അവർക്കുവേണ്ടി മാത്രമാണ്‌ ഈ പോസ്റ്റ്‌. മറ്റുള്ളവർക്ക്‌ ഇതുവായിക്കാം, ഞാൻ പറയുന്നത്‌ തികച്ചും അടിസ്ഥാനവിരുദ്ധമാണെങ്കിൽ എന്നെ ക്രൂശിക്കാം.

ബ്ലോഗ്‌ തുടങ്ങിയ കാലം മുതലേ ഉള്ളതാണ്‌ വിമർശനങ്ങളും, പരദൂഷണവും, വെല്ലുവിളികളും, പഴിചാരലും, ക്രൂശിക്കലും. പക്ഷെ അതെല്ല്ലാം ചിലരുടെ പൊയ്മുഖങ്ങൾ വെളിച്ചത്തുകൊണ്ടുവരാനും ഉപകരിച്ചു. വിമർശകരുടെ അമ്പുകൾ കുറിക്കുകൊള്ളുകയും ഒരുപാട്‌ നല്ല ബ്ലോഗേർസിനെ മലയ്യാളത്തിനു സമ്മാനിക്കുകയും ചെയ്തു.

ലിഗഭേദമില്ലാത്ത വിമർശനം/പ്രോത്സാഹനം എപ്പോഴും നല്ലതാണ്‌, പക്ഷെ പഴയകാല വിമർശകർ വഴിമാറിയതുകൊണ്ടോ, അവർക്ക്‌ ആമ്പിയർ ഇല്ലാതായതുകൊണ്ടോ എന്നറിയില്ല, അവർ പുതിയ തലമുറക്കു വഴിമാറി(തലമുറ എന്ന പ്രയോഗം ശരിയല്ല എന്നറിയാം ..ക്ഷമിക്കുക). അവരുടെ മുദ്രാവാക്യമായിരുന്നു "ലിംഗഭേദം".എന്തെഴുതിയാലും അതിനെ നഖശിഖാന്തം വിമർശിക്കുക, കൂട്ടം ചേർന്ന് തേജോവധം ചെയ്യുക, പുതിയ ബ്ലോഗേർസിനെ തിരഞ്ഞുപിടിച്ച്‌ കശാപ്പുചെയ്യുക. ബ്ലോഗിലെ രചനയെ വിലയിരുത്താതെ അതിലെ കമറ്റുകളെ വിലയിരുത്തി വെറുതെ കോമാളി കളിക്കുക എന്നിവയെല്ലാം പതിവായി. തനിക്കു കിട്ടാതെ പോവുന്ന പ്രശസ്തിയിൽ മനസ്സുമടുക്കുന്ന സ്രഷ്ടാക്കൾ പിന്നീട്‌ എഴുത്തു നിർത്തിയ ചരിത്രം വരെ ഈ ബ്ലോഗ്ഗ്‌ ലോകം കാണൂകയുണ്ടായി!..

ബ്ലോഗിലെ കോപ്പിയടി, പുനപ്രകാശനം,അനുവാദമില്ലാതെ ചിത്രങ്ങൾ എടുക്കുക എന്നിവക്കെല്ലാം എതിരായി കുറെ നല്ല ആളൂകൾ രംഗത്തുവന്നപ്പോൾ നമ്മുടെ അഭിനവ വിമർശകർ മിണ്ടാതിരുന്നതേയുള്ളൂ.അതൊന്നും എന്റെ വിഷയമല്ല, എന്നെ ബാധിക്കുന്നതല്ല എന്ന നയമാണ്‌ അവർ തുടർന്നുപോന്നത്‌.

ഈ ബ്ലോഗുലോകത്തിൽ എഴുതുന്നവർ തങ്ങളുടെ കഴിവുകൾ തെളിയിക്കാൻ അവസരം കിട്ടാതെ പോയവരാണെന്നകാര്യം ഇവർ എന്തുകൊണ്ട്‌ മറന്ന് പോവുന്നു? തന്റെ കഴിവിന്റെ പരമാവധി ഉപയോഗപ്പെടുത്തി, തന്നാലാവുന്നതുമാതിരി എഴുതി അതു നാലുപേർ വായിച്ച്‌ അഭിപ്രായം അറിയുമ്പോൾ ഉണ്ടാകുന്ന ആ സംത്രുപ്തി അതൊന്നു മാത്രമാണ്‌ ആകെയുള്ള ലാഭം.പിന്നെ അഭിപ്രായത്തിന്റെ കാര്യം, അത്‌ എഴുതുന്നവരിൽ നിക്ഷിപ്തമാണ്‌. ആസ്വാദനം എല്ലാവരിലും ഒരുപോലെയാവില്ല, അതും ഈ "കമന്റ്‌ വിമർശകർ" മറന്നുപോകുന്നു എന്നുവേണം കരുതാൻ. സ്വയം ഉണ്ടാക്കിയ ചട്ടകൂടിനുള്ളിൽ സ്വന്തമായി ചാരിത്തിയ നാമവിശേഷണത്തിൽ പുളകമ്മ് കൊണ്ട്‌ നടക്കുന്ന ഈ അണ്ണന്മാർ ബ്ലോഗുലകത്തിലേക്ക്‌ കാലെടുത്ത്‌ വയ്ക്കുന്ന പുതു കലാകാരന്മാരെ കമന്റിന്റെ അടിസ്ഥാനത്തിൽ തരം തിരിച്ച്‌ എന്താണ്‌ ഇവിടെ കാഴ്ചവയ്ക്കാൻ ഉദ്ദേശിക്കുന്നത്‌?

കമന്റിന്റെ ഏണ്ണം നോക്കി വിമർശിക്കാൻ തക്കം പാർത്തിരിക്കുന്നവരേ!!, ഒരൽപസമയം കണ്ടെത്തി ആ ഉള്ളടക്കം വിലയിരുത്തി അതിനനുസരണമായി ഒരു അഭിപ്രായം പറയാൻ എന്തിനുമടിക്കുന്നു?. ഞാൻ നേരത്തെ സൂചിപ്പിച്ചപോലെ, കമന്റ്‌ ഇടുക എന്നത്‌ തികച്ചും വ്യക്തിപരമായ താത്പര്യം ആണ്‌, ഓരോ ആസ്വാദകനും അഭിപ്രായം വ്യത്യസ്ഥമായിരിക്കാം, "നല്ലത്‌", "കൊള്ളാം", "മനോഹരം" എന്നിങ്ങനെയുള്ള അഭിപ്രായങ്ങൾ ഇടുന്നവർ എല്ലാം ലിംഗവിവേചനം കാണിക്കുന്നവരാണെന്നതിനോട്‌ യോജിക്കാൻ എനിക്കാവില്ല, അങ്ങിനെ വിമർശകർക്ക്‌ തോന്നിയെങ്കിൽ അതവരുടെ കഴിവ്കേടായി കണക്കാക്കാനെ കഴിയു.

ബ്ലോഗ്‌ ചിലർക്ക്‌ പുതു സൗഹൃദങ്ങൾ ഉണ്ടാക്കുന്നു, അങ്ങിനെ ഉണ്ടാകുന്ന കൂട്ടയ്മയിലെ അംഗങ്ങൾ പരസ്പരം കളിയാക്കുന്നതും, അപ്രസക്ത്മായ രചനകൾ എഴുതുമ്പോൾ അതിനും കമറ്റുകൾ ലഭിക്കുന്നതും സ്വാഭാവികം, ഓർക്കുട്ടിലും മറ്റും നമ്മൾ പുതിയ ഫോട്ടോകൾ പോസ്റ്റ്‌ ചെയ്യുമ്പോൾ സുഹൃത്തുക്കൾ കമന്റ്‌ ചെയ്യാറില്ലേ?? അതുപോലെ തന്നെ!!!. അതിനെയെല്ലാം അർത്ഥം അറിയാതെ കളിയാക്കാൻ നോക്കിയാൽ അതിനെ സമയം കാണു.


പ്രിയപ്പെട്ട വിമർശകരെ,

ബ്ലോഗിലെ കമന്റിനെ വിലയിരുത്തി സമയം കളയാതെ ആ രചനയെ വിലയിരുത്തു, അതിനനുസൃതമായി അഭിപ്രായം പറയു, ചിലപ്പോൾ നിങ്ങളുടെ കമന്റുകൾ, സൃഷ്ടാവിന്റെ കഴിവിനെ ഒരുവേള പ്രോത്സാഹിപ്പിച്ചെന്നും വരാം.ഒരു സത്യസന്ധ്മായ അഭിപ്രായം ആയിരം വിമർശനത്തേക്കാൾ ഉപകാരമായേക്കാം...

അഭിപ്രായങ്ങള്‍

  1. പ്രിയപ്പെട്ട വിമർശകരെ,

    ബ്ലോഗിലെ കമന്റിനെ വിലയിരുത്തി സമയം കളയാതെ ആ രചനയെ വിലയിരുത്തു, അതിനനുസൃതമായി അഭിപ്രായം പറയു, ചിലപ്പോൾ നിങ്ങളുടെ കമന്റുകൾ, സൃഷ്ടാവിന്റെ കഴിവിനെ ഒരുവേള പ്രോത്സാഹിപ്പിച്ചെന്നും വരാം.ഒരു സത്യസന്ധ്മായ അഭിപ്രായം ആയിരം വിമർശനത്തേക്കാൾ ഉപകാരമായേക്കാം...

    മറുപടിഇല്ലാതാക്കൂ
  2. ഇതുതന്നെയാണു ഞാനും എന്റെ രണ്ട് പോസ്റ്റിലൂടെ പറഞ്ഞത്...ഇത് അതിന്റെ ഒരു കോപ്പിയായി തോന്നി..!!

    ഉള്ളതു പറഞ്ഞാല്‍ ഉലക്കയെടുക്കുമെന്നറിയാം..!!
    എന്നാലും ഉള്ളിലിരുപ്പ് പറയാതെ പോകാനാകില്ല..!!!

    മറുപടിഇല്ലാതാക്കൂ
  3. പ്രിയ ബ്ലാക്ക്+വൈറ്റ്, താങ്കളൂടെ എല്ലാ ബ്ലോഗ് കമന്റുകളെയും പിന്തുടരാൻ എനിക്ക് കഴിഞില്ല, പക്ഷെ പിന്തുടർന്ന ചിലതിൽ താങ്കൾ കമന്റുകളെ ആണ് വിലയിരുത്തിയിരിക്കുന്നത് എന്ന് എനിക്ക് തോന്നി...

    മറുപടിഇല്ലാതാക്കൂ
  4. "ബ്ലോഗിലെ കമന്റിനെ വിലയിരുത്തി സമയം കളയാതെ ആ രചനയെ വിലയിരുത്തു, അതിനനുസൃതമായി അഭിപ്രായം പറയു,"

    ഒരു നല്ല ഗുണ പാഠം.. :)

    മറുപടിഇല്ലാതാക്കൂ
  5. no comments--ഈ ലോകത്തേക്ക് ഗ്രഹപ്രവേശം നടത്തിയിട്ട് അധികം കാലമായില്ല-അതോണ്ടാ

    മറുപടിഇല്ലാതാക്കൂ
  6. അക്ഷരത്തെറ്റ് തിരുത്തുന്നു-ഗൃഹപ്രവേശം

    മറുപടിഇല്ലാതാക്കൂ
  7. ഇത് നമ്മുടെ ഹരീഷ് അല്ലെ?
    കമന്റിന്റെ എണ്ണം കൊണ്ട് മാത്രം രചനയെ വിലയിരുത്താനാവില്ല എന്നതിനോട് ഞാനും യോജിക്കുന്നു .

    മറുപടിഇല്ലാതാക്കൂ

ഒരു അഭിപ്രായം പോസ്റ്റ് ചെയ്യൂ

അഭിപ്രായം അറിയിക്കൂ‍!!

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

വേര്‍പാട്‌

കാലം മായ്ക്കാന്‍ ശ്രമിച്ചിട്ടും മായാതെ നില്‍ക്കുന്ന ഒരുപാട്‌ ഓര്‍മകള്‍ പങ്കുവക്കാന്‍ ഉണ്ടാകും എല്ലാര്‍ക്കും...അത്തരത്തില്‍ ഒരു വേര്‍പാടിന്റെ ഓര്‍മകളിലൂടെ,... രണ്ടേ രണ്ട്‌ ലോവര്‍ പ്രൈമറി സ്കൂളുകള്‍, ഒരു ഹൈസ്കൂള്‍.അതാണ്‌ ഞങ്ങളുടെ ഗ്രാമത്തിലെ ആകെയുള്ള വിദ്യാഭ്യാസ സ്ഥാപനങ്ങള്‍. പ്രൈമറി വിദ്യാഭ്യാസം കഴിഞ്ഞാല്‍ ഒന്നുകില്‍ ആറ്‌ കിലോമീറ്റര്‍ ദൂരെ പോയ്യി അടുത്തസ്കൂളില്‍ ചേരണം അല്ലെങ്കില്‍ ആകെയുള്ള ഗവണ്‍മന്റ്‌ ഹൈസ്കൂളില്‍ വരണം.ഇതെല്ലാം കണക്കില്‍ എടുത്തുകൊണ്ട്‌ എന്നെ ഈ ഹൈസ്ക്കൂളില്‍ തന്നെയാണ്‌ ചേര്‍ത്തത്‌. വീട്ടില്‍ നിന്നും ആകെ അര കിലോമീറ്റര്‍ ദൂരം.വളരെ സുഖം. എല്ലാകൊല്ലവും മേല്‍പറഞ്ഞ പ്രൈമറി സ്കൂളില്‍ നിന്നും കുട്ടികള്‍ എന്റെ സ്കൂളിലേക്ക്‌ വരാറുണ്ട്‌. അത്‌ ഒരു സംഭവം തന്നെയാണ്‌. നാലാം തരം ജയിച്ച്‌ അഞ്ചിലേക്ക്‌ പൊയപ്പോള്‍ എനിക്കും കിട്ടി പുതിയ കൊറേ കൂട്ടുകാരെ. എല്ലാകൊല്ലത്തെയും പോലെ അക്കൊല്ലവും ഉയരത്തിന്റെ അടിസ്ഥാനത്തില്‍ ആയിരുന്നു ഇരിപ്പിടം നിശ്ചയിച്ചത്‌.പക്ഷെ ഇത്തവണ സാധാരണ കൂട്ടിനുകിട്ടാറുള്ള സുരാജിനു പകരം പുതിയ ഒരുകുട്ടി.ഞാനും അവനും കൂടി രണ്ടാമത്തെ ബഞ്ചിന്റെ ഇടത്തെ അറ്റത്ത്‌ സ്ഥാനം

സെക്കന്റ്‌ ചാൻസ്‌

സെക്കന്റ്‌ ഷിഫ്റ്റും കഴിഞ്ഞ്‌ പുറത്തിറങ്ങിയ എന്നെ വരവേൽക്കനെന്നോണം മഴ പെയ്യുകയാണ്‌, തോർച്ചക്കുള്ള ഒരു ചാൻസും കാണാനില്ലത്തതുകൊണ്ടു മഴത്തുള്ളികളുടെ നേർത്ത ചുംബനങ്ങൾ ഏറ്റുവാങ്ങി ഒരു വിധത്തിൽ ബസ്സിൽ കേറിപ്പറ്റി, വീട്ടിൽ എത്തിയപ്പോൾ സമയം പതിനൊന്നു മണി. മഴയായതുകൊണ്ട്‌ വേഗംകിടന്നേക്കാമെന്ന് തീരുമാനിച്ച്‌ മുറിയിൽ കയറിയപ്പോഴേക്കും മൊബൈൽ നാദം... "എന്നമ്മെ ഒന്നു കാണാൻ എത്രനാളായി....!!" എന്ത ഈ സമയത്ത്‌ അമ്മ വിളിക്കാൻ..മനസ്സിൽ ചെറിയ ശങ്കയോടെയാണെങ്കിലും ഫോണെടുത്തു.. "ന്താമ്മെ..എന്തു പറ്റി.. " "മോനെ,ഇന്നത്തെ പേപ്പറ്റിൽ ഒരു കുട്ടിടെ ഡീറ്റെയിൽസ്‌ ഉണ്ട്‌ നിന്റെ അതേ കമ്പനിയില ജോലി, കേരള മാട്രിമോണിയലിൽ ഉണ്ടെന്ന പറയണെ..നിനക്കൊന്നു നോക്കമോ.. " "ന്റെ മ്മെ...ഇതാണൊ കാര്യം ..ഇതൊക്കെ നാളെ പറഞ്ഞപോരെ..ഞാൻ ആകെ പേടിച്ചുപോയി..ഈ രാത്രിവിളി സാധാരണ ഇല്ലാതതാണല്ലോ..ഞാൻ നാളെ രാവിലെ വിളിക്കം..വേറെ ഒന്നും ഇല്ലല്ലോ ല്ലേ??...എന്ന ശരി .. " ഫോൺ കട്ട്‌ ചെയ്തപ്പോഴേക്കും മനസ്സിൽ ചിന്ത കേറിക്കൂടി ..ആരായിരിക്കും..ശ്ശ്ശ്ശോ പേരു പോലും ചോദിക്കാൻ മറന്നു...ആ നാളെ നോക്കാം.. ആ നല്ല ദിവസത്തിനു നന്ദി പ

ഉണ്ണിക്കുട്ടൻ

ഉണ്ണിക്കുട്ടാ...ദേ കണ്ട്രാ ഈ പാലയിലാ പപ്പേട്ടന്റെ അചഛൻ തൂങ്ങിമരിച്ചത്‌. ആശേച്ചിയുടെ പറച്ചിൽ കേട്ട്‌ വഴിയിലെ തൊട്ടാവാടിയിൽ ഗവേഷണം നടത്തിക്കൊണ്ടിരിക്കുകയായിരുന്ന ഉണ്ണികുട്ടൻ നേരെ മേലേക്കു നോക്കി...ഏതു കൊമ്പില?? ആ ഏറ്റവും മോളി കാണണ കൊമ്പില്ലേ അതിലാട!!! അതുകേട്ടതും ഗവേഷണം മതിയാക്കി നിന്ന നിൽപ്പിൽ ഉണ്ണികുട്ടൻ കാറാൻ തുടങ്ങി, യ്യോ!! എനിക്കു പേടിയാവണു॥വേഗം വീട്ടിപോവാം॥!! അവിടെനിന്നും നേരെ വീട്ടിലേക്ക്‌ വച്ചുപിടിച്ച ഉണ്ണികുട്ടൻ വീട്ടിലെത്തിയ ഉടനെ തന്നെ അമ്മയോട്‌ ? പപ്പേട്ടന്റെ അച്ഛൻ വില്ലേജാപ്പീസീന്റെ മുന്നിലുള്ള പാലയിൽ തൂങ്ങി നിക്കണകണ കണ്ടമ്മേ।!!!? ന്റെ കുട്ടിക്ക്‌ ഇത്ര ധൈര്യം എവിടുന്നു കിട്ടി ന്റെ ഗുരുവായൂരപ്പാ!!. ലതേച്ചിയുടെ ചോദ്യത്തിനുമുന്നിൽ ചൂളിപ്പോയപ്പൊ ഒന്നു കൊഞ്ഞനം കാണിച്ചുകൊണ്ട്‌ ഉണ്ണിക്കുട്ടൻ നേരെ ഉമ്മറത്തേക്കു ഓടി, അവിടെ കിടന്നിരുന്ന മുത്തശ്ശന്റെ ചാരുകസേരയിൽ “ ന്നെ വെല്ലാൻ ആരുല്ല്യ്യാ?“ എന്ന ഭാവത്തിൽ കയറി കിടന്നു. ഇത്തിരിനേരം കഴിഞ്ഞപ്പോ ഇരിപ്പോറക്കത്തതുകൊണ്ട്‌ നേരെ അടുക്കളയിലേക്ക്‌ ഓടി. അടുക്കളപ്പടിയിൽ നിക്കണ ഉണ്ണിക്കുട്ടനെ കണ്ടപ്പോൾ ആശേച്ചി ഒന്നു ചിരിച്ചു, നിക്ക്‌ എല്ലാം മനസ്സിലായ